МАСУМА

Yozuvchi Isajon Sultonning "Ma’suma" romani o‘tgan asr boshlari jadidlar harakati, vatanparvar ota-bobolarimizning millat taraqqiyoti yo‘lida boshdan kechirganlari, ma’naviyat ilinjida asos solingan teatrlar hamda birinchi o‘zbek aktrisasi - Ma’suma Qoriyeva faoliyati va hayoti haqida hikoya qiladi. Voqealar shu darajada haqqoniy tasvirlanganki, o‘quvchi o‘zini goh baxtdan sarmast kelinchak ro‘parasida, goh ziyolilar munozarasi orasida, keyingi gal spektakl qarshisida ko‘radi, ba’zan esa mushfiq Ma’sumaga taskin bera olmay ko‘z yoshi to‘kadi... Ha, rostdan shunday, sababi aytilmay olib ketilgan qaynotasi va turmush o‘r- tog‘ining taqdiri haqida eshitgan chog‘ dardi-dunyosi ostin-ustun bo‘lsa-da, ko‘z yosh qila olmayotgan Ma’sumaga hamdardlik yoki... Asarni o‘qir ekansiz, ko‘nglingizni vayron qiladigan holatlar yana va yana takrorlanadi. O‘tmishning qora kunlarini yorib chiqqan bugungi munavvar tong qalbingizga shukronalik tuyg‘usini yoyadi.