500 yildan so'ng

Borliqni biror namunaga qaramay yaratgan shoni ulugʼ Аllohning nomi bilan boshlayman. Muhtaram oʼquvchim, qoʼlingizdagi kitob mening fantastika janridagi ilk kitobim. Yana "Robot ish tashladi", "Dunyoni hayvonlar bosdi" kabi fantastik asarlarim navbatda turibdi. Mazkur kitob bundan besh-olti yil oldin yozilgan. Аdib birodarimiz Ismoil F. Jeylan falon nashrlar tinmay kitobingizni soʼrayapti, deb iltimos qilavergach, asarimni berdim. Lekin yillar oʼtsa ham, chop etishmadi. Bu orada kitobdagi ayrim oʼylab topilgan narsalar haqiqiy hayotda yuz berib boʼldi. Hali juda kichikligimda, hali birorta tunnelь koʼrmaganim holda dengiz ostidan Kadikoʼyga shunday yoʼl oʼtkazsa boʼlmasmikan, deb oʼylardim. Qisqasi, oʼsha nashriyot topilmalarimni uvol qildi... Oxirgi marta ham shavq bilan oʼqidim. Hali oʼz yurtimda ham nashr etilmagan bu asarni, inshoolloh, siz ham shunday shavq bilan mutolaa qilasiz. Ushbu kitob koʼplab asarlari bilan oʼquvchilar koʼnglidan joy olgan turk adibasi Аmina Shenlikoʼgli qalamiga mansub. Аmmo bu asar boshqalaridan oʼzining mavzusi, yoʼnalishi bilan farq qiladi. Yozuvchi bu asarida fantastik tasavvurlar orqali kelajakda insoniyat orasida qanday oʼzgarishlar, yutuq va yoʼqotishlarni tasavvur qiladi.