Ajal chaqirig'i

“Begunoh odamlarning tinch, halol, bir maromda ketayotgan hayotini buzish — ajal chaqirig'idir» — asar qahramonlaridan biri tomonidan aytilgan ushbu gapda, aytish mumkin bo'lsa, hayotiy hikmat bor. Tiriklik — bu katta sinov, sinovki, har bir so'z, har bir amal, har bir niyat uchun hisob so'raladigan, va albatta, mehribon va rahmli Zot tomonidan ajru mukofotlari bisyor, hukmlari adolatli yashash tarzidir. Kimgadir qilingan jabr izsiz ketmaydi. Tarixiy va fantast asarlar ustasi, yozuvchi Ozod Muʼmin Xo'janing mazkur asari bugun atrofingizdagi voqealarni ko'z oldingizda namoyon qiladi. Qahramonlar bilan beixtiyor so'zlashasiz. Kimgadir qilingan nohaqlik sizning-da dilingizni xufton qiladi. Mutolaa so'ngida jinoyatlar tafsiloti va qahramonlar hayoti tugallanmagandek tuyilishi, baʼzi savollar ochiq qolgandek taassurot qoldirishi mumkin, bu tabiiy, chunki hayot davom etyapti. Аslida savollar ochiq qolmagan, ularning javobini shu qismatni yashayotgan qahramonlardan topasiz. Demak, hayot haqiqatlarini anglashda davom etamiz.