Ali va Nino

Qurbon Said shaxsi uning kitoblari kabi jumboqlarga to'la. Ushbu taxallus ostida yashiringan muallifning asl ismi sharifi hozirgacha bahs-munozaralarni keltirib chiqaradi. "Аli va Nino" romani tarixi ham sirli: 1937-yilda ilk bor chop etilgan mazkur kitob 1970-yilgacha butkul unutilgandi. Birvarakayiga Аmerika bilan Аngliyada bosib chiqarilgandan keyin uning qahramonlari kitob do'konlari peshtaxtalariga g'olibona tarzda qaytib, yigirmanchi asrning eng mashhur sevishganlari sifatida nom qozondilar. Bugungi kunda ushbu roman o'ttiz uch tilga tarjima qilingan, asar asosida filmlar suratga olingan. Batumida esa uning qahramonlariga atab haykal o'rnatilgan. Tarixning dolg'ali voqealari asosida musulmon yigit Аli bilan nasroniy qiz Ninoning muhabbati haqidagi qissa hech bir kitobxonni befarq qoldirmaydi.