Allohning elchisi Muhammad

Bizlarga eng ulug‘ bandasi va Rasuli Xazrati Muxammad sollallohu alayhi vasallamning ummatlari bo‘lishdek busi baxt ato etgan Xaq subhonahu va taologa xamdu sanolarimiz bo‘lsin. Barcha odamlarga rahmat bo‘lib kelgan, mo‘minlarga otaonalaridan ham mehribon bo‘lgan Payg‘ambar sollalloxu alayhi vasallamga duo va salomlarimiz bo‘lsin. Ko‘lingizdagi ushbu kitob Muxammad sollallohu alayhi vasallamning hayotlarini dunyoga zamonaviy uslubda tanishtiradi. Qo‘llanma o‘z o‘quvchilariga Islom tamaddunining axloqiy asoslarini va u zot sollallohu alayhi va sallamning hayotlarini suratlar bilan boyitilgan va birlamchi ma’lumotlar bilan cheklangan holda namoyon qilib beradi. Kitob 12 qismdan iborat. Har bir kism alohida mavzuga bag‘ishlangan. Mavzular suratli takdimot uslubida yoritib berilgan. Kitob muallifi doktor Hussam Toglou (Hussam Toglaw) marketing va tadbirkorlik ma’ruzachisi bo‘lib, u Sidney texnologiya universitetida biznesni boshqarish yo‘nalishi bo‘yicha doktorlik unvoniga ega. Shu bilan birga, u erkin Islom tadqiqotchisi ham hisoblanadi. Hussam Toglou ilmiy faoliyatidan tashqari so‘nggi 20 yil ichida dinlararo Muloqotlar bilan shug‘ullanib keldi. Uning tarixiy ziyoratgoh joylarida orttirgan tajribasi qo‘lingizdagi kitobning yozilishiga sabab bo‘lgan. Bu kitob qaysidir ma’noda tarixiy masjidlar va noyob islom me’morchiligiga ega davlatlarga Tashrif buyuruvchilar uchun sayyohlik qo‘llanmasi vazifasini xam o‘taydi.