Arab alifbosida husnixat

Аziz va muhtaram oʼquvchilar! Siz azizlarga “Аrab alifbosida husnixat” (Аrab alifbosida chiroyli yozishni oʼrganamiz) nomli kitobni taqdim qilmoqdamiz. U oʼzbek tilida soʼzlashuvchilarga, arab alifbosini oʼrgatadigan darslikdir. U asosan til markazlari uchun moʼljallangan boʼlib, mustaqil oʼrganuvchilar uchun ham foydadan xoli emas. Аvval oʼquvchi arab alifbosi bilan tanishib chiqadi. Undan keyin husnixat bilan yozishni mashq qiladi. Oʼquvchi diqqatini qaratishi lozim boʼlgan nuqta shuki, har bir harfning avvalida surat bilan toʼrtta soʼz berilgan. Bu, oʼsha harfning soʼz boshida, soʼz oʼrtasida, soʼz oxirida kelishi hamda alohida shaklini koʼrsatish uchun berilgan misollardir. Bu narsa, diktant yozilganda oʼta muhim ekanini bilib oladi.