Ayollar olamining sultoni Xadicha roziyallohu anho

Rasululloh sollallohu alayhi vasallamni quyoshga o‘xshatsak, sahobai kiromlar quyosh atrofidagi sayyoralarga mengzashadi. Har bir sayyora o‘z qobiliyatiga qarab o‘sha quyoshdan nur oladi, uni o‘zida aks ettiradi. Shubhasiz, sahobalar roziyallohu anhum Payg‘ambarimiz alayhissalomning atroflarida turib eng yorqin nurlardan bahramand bo‘lganlar. O‘sha nurlar hanuz butun olamni munavvar qilib kelmoqda. Sizu biz ana shu nur tushgan tarafga yursak, bashorat qilingan eng muborak manzillarga yetib boramiz. Dunyodagi eng to‘g‘ri yo‘lning eng aziz yo‘lovchilariga aylanamiz. Albatta, bunga sahobai kiromlarni yetarlicha idrok etish bilan erishiladi.