Boshi berk ko'chalar

Инсон бу дунёга келгач, кечаги кунидан бугунги кунга ўтади, шу бугун эрта учун кўприк қуради. Бу жараёнда одамзот қувончли кунларни ҳам, қайғули кунларни ҳам бошидан ўтказади. Ҳаётининг хурсандчилик ёки аламли кунлардан иборат бўлиши фақат инсоннинг ўзига боғлиқ. Бунинг учун кечаги кунидан сабоқ олиши, бугун эзгу амалларни қилиши, эртаси учун чиройли ниятлар қилиши керак. Сизчи, муҳтарам китобхон, бугунингиз билан яшаяпсизми? Ёки ўтмишингизни эслаб, бугун йиғлаб, эртадан умидсизландингизми? Мазкур китоб руҳий ҳолатингизга ўзингиз ташхис қўйишингизга ёрдам беради. Ҳаётнинг чалкаш йўлларида адашган бўлсангиз, тўғри йўлга солади. Шунингдек, ички ва ташқи оламингизга боқишни ўргатади. Инсон бу дунёда қандай яшаши керак бўлса, шундай яшаш зарурлигини англатади.