Botaniklar ham biznes qiladi

Maksim Kotinning «Botaniklar ham biznes qiladi» kitobi biznes va uning asoslariga yangicha qarash kashf etdi. Bu kitobni oʼqigan koʼpchilik odamlar oʼz biznesini ochish toʼgʼrisida qaror qabul qilishi mumkin. Bu biznes kontseptsiyasini qurish boʼyicha oddiy qoʼllanma emas, yoʼq. Bu ichki dunyoni oʼzgartirib yuboradigan kitob. Bosh qahramon Fedor Ovchinnikov oʼz biznesini ochishni qaror qiladi. U oligarx yoki boy ota-onaning oʼgʼli emas. Fedor – yuksak orzuga ega idealist, u orzusi uchun oxirigacha kurashishga tayyor. U oʼz doʼkonini, keyinchalik butun bir tarmoq ochadi, bor kuchi bilan oʼz biznesini rivojlantiradi, kechayu-kunduz ishlaydi va oʼzini butunlay biznesga bagʼishlaydi. Uning omadining siri oddiygina — samimiylik va ochiqlik. Fedor, uch yillik tinimsiz mehnatidan soʼng, kitob biznesini tark etadi. Аmmo u butunlay boshqacha odamga aylanadi! Endi u oʼz ishidan zavqlanib, ajoyib gʼoyalar yaratishga va ularni hayotga tatbiq etishga qodir! Kitob davomida oʼquvchi Fedorga hamdard boʼlib, u bilan birga kuladi. Bu diqqatga sazovor ajoyib asar.