Choliqushi

"Choliqushi" romani o'zbek kitobxonlariga Mirzakalon Ismoiliy tarjimasida yaxshi tanish bo'lgan, jahon adabiyotining eng sara namunalaridan biridir. Asar markazida sho'x va erkatoy bo'lgani uchun "Choliqushi" laqabini olgan yetim qiz — Feridening hayot yo'li turadi. Sevgilisi Kamranning xiyonati haqida bilib qolgach, u dabdabali Istanbul hayotidan voz kechib, Anadoluning chekka qishloqlarida muallimalik qilish uchun yo'lga otlanadi. Kitobda Feridening boshidan kechirgan og'ir sinovlari, yolg'iz ayol sifatida jamiyatda o'z o'rnini topishi, ma'rifatparvarlik kurashi va yillar o'tsa-da so'nmagan chinakam muhabbati yuksak mahorat bilan tasvirlangan.