Damir Usmonovning ikki bahori

Kitob do'konlarida tez-tez o'tmishdagi suronli davrlar, qirg'inbarot urushlar haqidagi badiiy asarlarni uchratib qolamiz. Ularni chop etishdan maqsad kitobxonlarni yomon yo'lga da'vat etish emas, balki og'ir muhitlarni eslatib, hozirgi tinch hayotimiz naqadar fayzli ekanligini targ'ib etishdir. Qo'lingizdagi "Damir Usmonovning ikki bahori" asari Jahon urushi haqida bo'lmasa-da, sho'ro tuzumida qanday illatlar hukmron bo'lganini bilib olishimizga yordam beradi. "Plan"-Xudo, "plan"-payg'ambar, deya ish yuritilgan zamonda inson qadri naqadar qiymatsiz bo'lganini, "plan" bajarilishi uchun odamlar shunchaki ishchi kuchi - vosita bo'lganiga guvoh bo'lib, siz ham hozirgi mustaqil hayotimiz naqadar sururli ekanligini anglab yetasiz, degan umiddamiz.