Dengiz zahmatkashlari

“Dengiz zahmatkashlari” — buyuk fransuz adibi Viktor Gyugo tomonidan 1866-yilda o‘zi surgunda bo‘lgan Gernsi orolida yozilgan mashhur romandir. Inson irodasi, matonati va tabiat kuchlariga qarshi kurashini ulug‘lovchi ushbu asar yozuvchining "Parij Bibi Maryam ibodatxonasi" va "Xo‘rlanganlar" kitoblari bilan boshlangan trilogiyasini yakunlaydi. Voqealar sanoat inqilobi davrida bo‘lib o‘tadi; bosh qahramon — odamovi baliqchi Jilyat o‘zi yashirincha sevgan qiz Deryushetaning amkisi va mahalliy paroxod egasiga yordam berish uchun yakka ozi dengizga yo‘l oladi. U dahshatli bo‘ronlar, ochlik, sovuq va hatto ulkan sakkizoyoq bilan jang qilib, qoyalar orasida qolgan qimmatbaho kema motorini qutqarishga muvaffaq bo‘ladi. Biroq, uyga qaytgach, qiz boshqa yigitni sevishini bilib oladi va olijanoblik ko‘rsatib, ularning qochib ketishiga yordam beradi, o‘zi esa fojiali tarzda dengiz to‘lqinlari ostida g‘oyib bo‘ladi.