Dunyodagi hamma narsani bilgim keladi

Assalomu alaykum! Bolajonlar, qalaysiz? Chiroyli kitob ekanmi? Boshqa kitoblarga o'xshamas ekanmi? Bu - juda zo'r kitob. Unda dunyodagi rosa ko'p narsalarning nomi, rasmi bor, ular haqida qisqacha hikoyalar bor. Siz beradigan rosa ko'p savollarga javoblar bor. Masalan, Quyosh, Oy, Yer, osmondagi yulduzlar, tabiatdagi mo'jizalar, dengizlar, ummonlar, tog'lar, vulqonlar, mashinalar, kemalar, koinotga uchadigan raketalar, kosmik kemalar, osmono'par binolar - xullas, rosa ko'p narsalar haqida yozganmiz. Shuning uchun kitobning nomini ham "Dunyodagi hamma narsani bilgim keladi" deb qo'ydik. Nimani bilgingiz kelsa, shu kitobdan izlab ko'ravering. Mabodo izlagan narsangiz, so'ramoqchi bolgan narsangiz bu kitobdan chiqmasa, bizga yozib yuboring, kitob keyingi safar chiqqanda o'sha narsani ham qo'shib qo'yamiz. Kitobni o'qiyotganda, rasmlarini tomosha qilayotganda biron joyini tushunmay qolsangiz, bir varaq qog'ozga yozib qo'ying. Keyin kattalar uyda bo'lgan paytda yoki maktabga borganingizda ustozlardan so'raysiz.