Dunyolar jangi

Ingliz yozuvchisi Gerbert Uells o‘zbek kitobxonlariga "Vaqt mashinasi”, “Ko‘rinmas odam” kabi mashhur asarlari bilan tanish. Uning “Dunyolar jangi" romani 1898-yilda kitob holida chop etilgan. Asarda o‘zga sayyoraliklarning Yer sayyorasiga hujum qilish mavzusi qalamga olingan bo‘lib, bu kitob o‘sha davr uchun katta yangilik hisoblangan. Voqealar muallifning vatani bo‘lmish Angliyada sodir bo‘ladi. Asar XX asr davomida dovrug‘ini saqlab qoldi va hozirgi kunda ham fantastik asarlar reytingidan tushgani yo‘q. U dunyoning ko‘plab tillariga tarjima qilingan hamda roman asosida film ishlangan. E’tiboringizga uning o‘zbek tilidagi tarjimasini taqdim etmoqdamiz. Xayolot olamingizga erk bering va fantastika sehridan bahramand bo‘ling.