Fantom og'rig'i

O‘zbek adibasi Marziya Saydamning bitmishlari o'z uslubi va ohangi bilan o‘quvchilar e’tiboriga tushgan. Uning yozganlari o‘quvchini seskantiradi, uyquli ko‘zlarga, yuzlarga suv purkaydi, albatta, yozuvchining ayrim mulohazalari bahstalab, biroq asosiy nuqta shuki, o‘zbek publisistikasida Marziya Saydam o‘ziga xos sas bilan paydo bo‘ldi. Dunyoga yangicha qarash, zamon va makonni, odamlar va muammolarni haqiqat nigohlari bilan anglashga bo‘lgan urinish kitobxonni jalb qiladi. Ushbu moʻjaz to‘plamga yozuvchining sara maqolalari jamlangan. Umid qilamizki, ushbu bitiklar Sizni befarq qoldirmaydi.