Hayotga tashnalik

“Rassomlarning bari telba. Bu ulardagi eng yaxshi jihat" Qadrdon o'quvchi! Siz Vinsent Van Gog degan bir odam o'z vaqtida mashhur bo'lgan farang rassomi bilan ko'rishish uchun yetmish chaqirim masofani poyu piyoda bosib o'tganini bilarmidingiz? Eng ajablanarlisi, Van Gog o'sha rassomning uyi ostonasigacha boradi-da, keyin ikkilanib, ortiga qaytib ketadi! Van Gog o'z zamonasining dong'i ketgan siymolari - Jorj Syora, Edgar Dega, Jan-Jak Russo, Emil Zolya bilan tanish bo'lgan, osh-qatiq tutingan. U muttasil och-nahor yurgan, kamiga, zaif salomatligiga yomon odatlar bilan battar shikast yetkazgan. Eng ahamiyatlisi yoxud boshqacha aytganda, kishini mehr-oqibatga undaydigan jihati, Vinsentni Teo ismli ukasi doimiy ravishda moddiy tomondan taʼminlab, dalda berib turgan, zotan, u akasining nomi bir kun kelib tarix zarvaraqlariga bitilishiga ishongan yagona inson edi.