Hikmatlar xazinasi

Yusuf Tovasliyning ushbu asari imon, axloq va ma'rifatga yetaklovchi nurli yo'la o'xshaydi. Unda Qur'oni Karim oyatlari, Payg'ambarimiz Muhammad (s.a.v) hadislaridan hamda buyuk allomalar va avliyolarning hikmatli so'zlaridan o'rinli misollar keltiriladi. Har bir hikmat hayotiy vaqealar bilan bog'lanib, sodda va ta'sirchan tilda sharhlanadi. Kitob o'quvchini halollik, sabr, shukronalik, adolat va mehr-oqibat kabi yuksak fazilatlarni qalbida mustahkamlashga chorlaydi. Kitobdagi pand-nasihatlar kundalik hayotning sinov va qiyinchiliklariga Qur'on va hadis mezonida yechim taklif etadi. "Hikmatlar xazinasi" - oilaviy o'qish, ta'lim va tarbiya jarayonida ishonchli yo'ldosh, barcha yoshdagilar uchun ruhiy boylik manbai. Kitob mutolaasidan so'ng o'zingiz ham bunga amin bo'lasiz.