Ikki ayolga bir mahbub

Har qanday yolg‘on — yomon! Aslida bu hayot yolg‘onlar bilan o‘ralashib, vaqtni boy berishga juda qisqalik qiladi. Kichik yolg‘on ham borgan sari yiriklashib, sohibini chohga chuqurroq botiradi, biroq ushbu yolg‘on boshlanishidan juda ulkan bo‘lsachi? Buning oqibatlari insonlar hayotini qay darajada zaharlaydi? Frederik Darning ushbu asari o‘quvchiga inson qalbida tug‘ilgan so‘z, niyat hayotga ko‘chishi muqarrarligini eslatib, bundan kerakli xulosalar olishga, qalb uyimizni pok va toza tutishga undaydi!