Ikki olam sarvari

Ushbu asar har bir moʼmin-musulmon Paygʼambarimiz sollallohu alayhi vasallam hayotlari va xulqlaridan ibrat ola bilishi va hayotiga tatbiq qilishi zarur boʼlgan maʼlumotlarni oʼz ichiga olgani bilan ham ulkan ahamiyatga egadir. «...Аhmad ibn Hanbalni Qurʼonni maxluq demagani uchun har kuni darra urgani olib kelishar edi. Uni holdan toygunicha urishar, soʼng olib ketishardi. Imom darradan bezib qolgan edilar. Bir kuni oʼgʼrilik qilgan bir kishini ham olib kelishdi. Oʼgʼri Аhmad ibn Hanbalga: «Men umrimda juda koʼp oʼgʼrilik qildim, axiyri qoʼlga tushdim. Meni juda koʼp darra urishgan. Lekin bu yoʼlimdan qaytganim yoʼq. Siz musulmonlar imomisiz, din yoʼlidagi odamsiz. Darraning ogʼrigʼidan qoʼrqib, diningizdan qaytmang», dedi. Imom bu gapdan qattiq taʼsirlandi va darralarga sabot bilan chidab turaverdi. Shu tariqa musulmonlarning koʼpchiligini fitnadan saqlab qoldi...»