Ilmga chaqiriq

«Илмга чақириқ» япон маърифатчиси Юкичи Фукузава қаламига мансуб энг машҳур асарлардан биридир. Унда илм, таълим ва мустақил тафаккурнинг жамият тараққиётидаги ўрни ёритилади. Фукузава халқни саводсизлик ва қолоқликдан чиқишга, Ғарб тараққиётини ўрганиб, уни Япония шароитига мослаштиришга чақиради. Муаллиф илм-фан ва таълимни шахсий эркинлик, иқтисодий фаровонлик ҳамда миллий мустақилликнинг пойдевори сифатида талқин қилади. Шу боис «Илмга чақириқ» ХIХ аср охири ва ХХ аср бошидаги Япония модернизацияси жараёнида муҳим дастуруламал асар сифатида қадрланади.