Iroda tarbiyasi

Fikrlash doirasidagi mehnatlarimiz bizni manfaatli natijaga olib boradigan shaklda ishlash, tinmay bitta mavzu haqida fikrlab, mehnat qilishda davom etish... Ha, barcha madaniy taraqqiyot, jamiki dohiyona kashfiyotlarning asosi mana shudir! O‘z mehnatimizni mana shunday saviyaga chiqara olishimiz uchun esa nafsimizni bir lahzaga ham bo‘sh qo‘ymay, tinmay majburlash, yagona maqsadga erishish yo‘lida Diqqat-e’tiborimizni boshqara olish ko‘nikmasiga ega bo‘lish, mehnat-u g‘ayratimizni bardavom faollik va bitta yo‘nalishga yo‘naltira olishimiz kerak bo‘ladi. Albatta, bularning barchasi, avvalambor, mustahkam irodaga ega bo‘lishni taqozo qiladi. "Taqdirimni o‘zgartirgan yana bir kitob Adham Bakarning "Iroda tarbiyasi" nomli asari edi. Intizom bilan ishlashni men mana shu kitobdan o‘rgandim". Jamil Merich Mana shu so‘zlar "Iroda tarbiyasi" kitobining qator nashriyotlar tomonidan uzoq muddatli tanaffusdan so‘ng "qayta kashf qilinishi ga sabab bo‘ldi va Jules Payotning asarini "Jamil Merich tavsiya qilgan asar" deb taqdim etib, tinmay chop etdilar. Vaholanki, Jamil Merich tavsiya qilgan kitobning qaysi kitob ekani aniq va ochiq-oydin aytilgan. edi. Jamil Merich Payotning emas, doktor Adham Bakarning "Iroda tarbiyasi" kitobini tavsiya qilgan edi. Qo‘lingizdagi ushbu kitob mana shu mudhish xatoni tuzatishga xizmat qilish bilan bir qatorda, ushbu asar muallifining shaxsiyati haqidagi ma’lumotlarni ilk marotaba jamoatchilikka taqdim qilmoqda.