Ityurak

Aksariyat yozuvchilar hayot haqiqatlarini aytishda ramziylikdan foydalanadilar. Bulgakovning mazkur asarini o‘qirkanmiz, sho‘ro jamiyatining kirdikorlari fantastika tarzida fosh yetilganiga guvoh bo‘lamiz. Olim Preobrajenskiy itga odam miyasini ko‘chirib o‘tqazadi va jonivor Sharikov deb nom qo‘yilgan odamsifat maxluqqa - ongli, ammo ityurak bir mavjudotga aylanadi. O‘sha davrda bu obrazni aslida bolsheviklar dohiysining timsoli, deb baholashgan. Hozirgi zamonda esa ilm-fan yutuqlarining-sun’iy urchitish yo‘li bilan turli jonivorlar va hattoki inson klonini yaratishga urunishlarning oqibatida yuzaga keladigan halokat - har xil zombiyu manqurtlar, mutantlar paydo bo‘lishi mumkinligi anglashiladi. Asarni dastlabki mutolaada tushunmaslik va Bulgakov maqsadiga yetib bormaslik tabiiy. Kitobni qayta qo‘limizga olarkanmiz, undagi ba’zi obrazlarni atrofimizda ko‘ramiz. Kim edigu, kim bo‘ldik yoki kim bo‘lamiz- hech bo‘lmaganda o‘zimizni taftish qilish payti keldi..