Jallod ayol

Bugungi kunning sermahsul yozuvchilaridan biri Nabi Jaloliddindan odatiy bo‘lmagan mavzudagi yangi asarni kutib olishga tayyormisiz?! Agar javobingiz “ha” bo‘lsa-da, “Jallod ayol” nomi ostida chop etilgan mazkur asar mutolaasiga kirishar ekansiz, shoshib qolishingiz, hayratga tushishingiz tabiiy, shunday ekan, qarama-qarshi hislar tug‘yonini boshdan kechirishga ruhan hozirlaning. Hazrati inson har qanday sharoit va holatlarda ham inson bo‘lib qolishga majbur ekani, buning uddasidan ming bir mashaqqat bilan bo‘lsa-da, albatta, chiqishi lozimligini o‘rgatadigan mazkur asarni o‘qishga ajratgan vaqtingizga aslo achinmaymiz. Sizga tafakkurli, mushohadali, tug‘yonli mutolaa onlarini tilaymiz...