Jamila

“Jamila”, “Alvido, Gulsari!”, “Somon yoʻli” hamda “Boʻtakoʻz” qissalaridan tarkib topgan mazkur kitob Chingiz Aytmatov asarlari turkumida chop etilmoqda. Jamila - katta oilaga tushgan yangi kelinchak. Ammo visol uzoq davom etmaydi. Urush yosh oilaga nafaqat hijron va ayriliq, balki parokandalik olib keladi. Turmush oʻrtogʻini frontga joʻnatgan kelin erkaklar mehnatini zimmasiga olib, dalaga chiqadi. Goʻzalligi-yu chaqqonligi sabab qaynonasi uni begona koʻzlardan asrash uchun yoniga “qoʻriqchi” qoʻyadi. Frontdan nogiron boʻlib qaytgan odamovi Doniyor nimasi bilan Jamilaning sevgisini qozondi? Qaynisi sevimli yangasini akasi tirikligidayok begona bilan ketishiga nega yoʻl qoʻydi? Yoʻqsil Doniyor bilan ketib, afsus bilan qaytishini kutgan ovul Jamila qismatida nimalarga guvoh boʻldi? Chingiz Aytmatovning nafaqat ushbu asari, balki Tanaboy va Gulsari, Yer va Toʻlgʻanoy, Abubakr va Kamol obrazlari gavdalangan keyingi qissalarida ham qahramonlar oʻrtasidagi umumiylik va ziddiyatlardan oʻquvchi faqat ijobiy natija kutadi. Asar yakunida esa kutilmagan nihoya yuz ochadi.