Jazo koloniyasida

Ushbu kitobdan Kafkaning mashhur "Jazo koloniyasida", "Akademiyaga hisobot", "Qo'shiqchi Jozefina yoxud sichqonlar xalqi" singari hikoyalari, shuningdek, uning badiiy olamini yanada teranroq anglash imkonini beruvchi o'nlab kichik hikoya va masallar o'rin olgan. To'plamda Uisten Hyu Odenning "Mensiz inson" nomli essesi so'zboshi o'laroq taqdim etildi. Mashhur adabiyotshunos va shoir Kafka ijodining mohiyati, uning zamonaviy tafakkur va adabiyotdagi o'rni haqida o'ziga xos qarashlarini bayon etadi. Shuningdek, Xorxe Luis Borxesning "Kafka va uning salaflari" essesi so'ngso'z o'rnida ilova qilingan bo'lib, u Kafkaning jahon adabiy an'analari bilan bog'liqligini va uning adabiy merosdagi noyob o'rnini tahlil qiladi.