Jentelmen o'g'ri

Muttaham va firibgarlarning noqonuniy egallagan boyliklarini o'g'irlab kelayotgan odamning xatti-harakatlarini oqlasa bo'ladimi? Balki u birovlarni qon qaqshatib mol-dunyo to'plagan yaramaslarni shu yo'l bilan jazolayotgandir? Arsen Lupen ana shunday murakkab qismatga ega inson. Qahramonning zavq-shavqqa boy qiziqarli hayoti, qotilliklar, bosqinchilik va talonchiliklar, olishuvlar, tergov va sud jarayonlari, izquvar va politsiyachilar bilan bog'liq g'aroyib voqealar muallif tomonidan o'ta mahorat bilan bayon etilgan. O'sha davrga oid go'zal va mahobatli qasrlar, ulkan kemalar, qimmatbaho marjon-u taqinchoqlar, kiborlar olami va oddiy odamlarning xulq-atvori, sevgi qismati va ayriliqlar sizni befarq qoldirmaydi, deb o'ylayman. Kitobni o'qib bo'lgach sizdan bir savolga javob berishingizni iltimos qilgan bo'lar edik: Arsen Lupen aslida kim?