Jeyn Eyr

O‘quvchi e’tiborini butkul o‘ziga jalb qilib, uni tuganmas hayajon, hamdardlik, achinish, mehr va muhabbat hislarini boshdan kechirishga undovchi ushbu roman jahon bestsellerlari ro‘yxatida hamon peshqadamlardan bo‘lib kelayotganining bejiz emas. Ingliz adibasi Sharlotta Bronte dunyoga mashhur mazkur asarida o‘tkinchi bo‘lgan jism chiroyini emas, insonning ichki go‘zalligini nafosat bilan tasvirlaydi. Asar o‘quvchiga mashaqqatlar qarshisida sabotli, irodali, marhamatli, jasur va mard bo‘lishni, atrofimizda yuz berayotgan hodisalarga o‘zgacha nigoh bilan boqishni o‘rgatadi. Har bir qiyinchilikdan keyin yanada kuchga to‘lib, ilgari qadam bosish va har qanday murakkab vaziyatda ham Hazrati Insonlik rutbasiga sodiq qolishga chorlaydi!