Kanizak Izaura

Izaura - tabiat saxiylik bilan ato etgan xamma xislatlarga ega qiz. Аqlli, goʼzal, maftunkor, mehribon, dilkash, samimiy fakat erki oʼz qoʼlida emas. Аna shu erksizlik, to'gʼrirogʼi, qullik qizni sevgi nashidasini tuyishdan bebaxra qildi. Boy, ammo tuban va razil kishilar tabiatning bu moʼjaz xilqatini toptashga urinadilar. Biroq Izauraning ruhiyatini sindirolmagach, jismiga xam egalik qilolmaydilar. Hayot sinovlarini oʼz bardoshi, oqilaligi bilan yenggan Izaura oʼzi orzu qilgan shahzodasini topadi va baxtli hayot kechiradi. Romandagi voqealar Braziliyaning oxirgi imperatori Don Pedru II hukmronlik qilgan davrda yuz beradi. Voqealar Paraiba daryosi bo'yidagi Kampus shahri yaqinidagi boy va unumdor Kampus Digontakazes okrugida kechadi... Romanda hozirda mavjud jo'gʼrofiy hududlar nomlaridan foydalanilgan. Braziliyalik tarixchi Bazil Di Magalyansning fikricha, bu roman - «Goʼzalligi bilan g'alaba qozonadigan ayol inson himoyasi uchun shunchaki vosita bo'lib xizmat qiladigan asar».