Katta to'rtlik

«Аmazon”, “Аpple”, “Facebook” va “Google”— dunyodagi to'rtta eng nufuzli kompaniyalar. Deyarli barcha kishilar mazkur kompaniyalarning qanday qilib bu darajaga yetgani haqida bilishiga ishonadi. Lekin ularning bari adashadi. So'nggi yigirma yil ichida, ushbu kompaniyalarning kuchli tomonlari va ajoyib yutuqlarini hech kim Skott Gellouey kabi chuqur tushunib yetmadi va tasvirlab bera olmadi. Аyni “buyuk”lar tomonidan tarqatilgan afsonalardan shubhalanib, Gellouey jiddiy savollar beradi. “Katta to'rtlik” qanday qilib bizning hayotimizga shu qadar qatʼiy kirib bordiki, endi undan yashirinish yoki qarshi turishning sira imkoni yo'q? Uning trillion dollarlik sarmoya ortidan quvishiga kimdir halal bera oladimi? Gellouey biznes-maktabida o'qiyotgan minglab talabalarni xuddi shunday takrorlanmas tarzda o'z maʼruzalariga jalb qiladigan “Katta to'rtlik”ning yorqin peshtoqi ortida yashiringan yo'nalishlarni tahlil etadi. U biznes buyuklari odamlarni tarixdan oldingi davrdan buyon boshqarib kelayotgan asosiy hissiy ehtiyojga nisbatan qanday murojaat qilishini va toki ortidan boshqalar yugurmasligi uchun ularni manipulyatsiya qilishlarini ko'rsatadi. Va, albatta, muallif har bir kishi "Katta to'rtlik”ning muvaffaqiyat borasidagi hikoyalaridan o'z bizneslari yoki karyeralari uchun qanday saboq olishlari mumkinligi haqida hikoya qiladi. "Katta to'rtlik” bilan raqobatlashasizmi-yo'qmi, ushbu kompaniyalar bilan hamkorlik qilishni xohlaysizmi yoki shunchaki ular hukmronlik qiladigan dunyoda yashaysizmi — har qanday holatda ham ular qanday tashkil etilganini tushunish kerak.