Kechir, Allohim

Odam bolasi borki, ikki dunyoda baxtli yashashni istaydi. Bu hayotda ko‘p narsalarga erishishni, farzand, boylik, obro‘-e’tibor qozonishni, oxiratda esa jannatiylar safidan joy olishni xohlaydi. Ikki dunyoda baxtga erishishning kaliti esa istig‘fordir. Doim istig‘for aytish faqat gunohga botganlarning emas, balki haqiqiy saodatmand mo‘minlarning vazifasidir. Axir Payg‘ambarimiz alayhissalom ham doim istig‘for aytib yurganlar. Bu istig‘forlar buyuk tobein Hasan Basriy taraflaridan yozilgan bo‘lib, ular qalbingizdan joy olishi shubhasiz. Har kuni o‘qiladigan istig‘forlar kitobda alohida qilib hafta kunlariga ajratib qo‘yilgan. Matnlarning ham arab, ham o‘zbek tilida berilgani ayni muddaodir. Ishonamizki, bu mo‘jaz kitobcha qalbni poklash yo‘lidagi eng yaqin do‘stingiz bo‘lib qoladi! Muallif