Keldim

Мухтор Комил (1960-2016) оз ёзса ҳам соз ёзадиган, камёб иқтидор эгаларидан бири эди. Шоирнинг нозик туйғуларимизни бедор қила оладиган анча шеърлари муҳаббатнинг беғараз, бегидир бепоён кенгликларидан муждалар келтиргандай бўлади. Шоирнинг ўз ўқувчилари билан китоб шаклидаги учрашув йўли узоқ бўлди. Балки аввалига улуғ ижодкорлар олдидаги одоби уни китоб ёзмоқ даъвосидан тийиб тургандир... Кейин эса... Нима бўлганда ҳам унинг шеърлари қўлингизда китоб бўлиб турибди. Бу китобда сиз куй ва оҳангга эш бўлиб, аллақачон кўнглиздан жой олган Охунжон Мадалиев, Абдурашид Исоқов, Аслиддин Дўстов каби ҳофизлар ижросида айтилган "Юракнинг бир банди узилган кеча", "Баҳорим қани?", "Маҳзун бир қушга айлансам", "Ошиқман" каби бир қатор машҳур қўшиқлар, аниқроғи, уларнинг муаллифи кўнгил олами билан танишасиз.