Kelmasang ham kutaman

Berkutay Soysal Turkiyaning maʼlum va mashhur yozuvchilaridan biri boʼlib, asarlari oʼquvchilar tomonidan intiqib kutiladi hamda sevib oʼqiladi. Yozuvchining mazkur asari oʼziga xos jozibasi, ifoda uslubi, insonning eng nozik va nafis tuygʼularini taʼsirchan bayon etganligi bilan ajralib turadi. - Аytingchi, siz ham hech qachon kelmaydigan bir insonni intiq kutganmisiz? Bir kun kelib ketishi mumkinligi hatto tushingizga ham kirmagan insonning ortidan qoʼl silkitib qolganmisiz? Men kelmaganni kutaman, uzoqdagi insonni sogʼinaman va azoblanganim sari yanada koʼproq sevaman. Men ham ketmoqchi boʼlganlarni toʼxtatib qolishga urindim. Yoʼlini toʼsib «Meni tashlab qaerga ketmoqchisan?» deb siquvga oldim. Biroq bundan hech narsa oʼzgarmadi. Ketishga qaror qilganni toʼxtatib boʼlmas ekan. Ehtimol, vaqtincha toʼxtatishing mumkindir, ammo baribir qoʼlingdan chiqib ketadi. Аlal oqibat men ham bu haqiqatga oʼzimni moslashtirdim, oʼsha kundan boshlab tark etganlarni va sira qaytib kelmaydiganlarni kutishni boshladim. Kelmasligini bilib turib kutdim. Kutish bu - oʼz joningga suiqasd qilishdek bir xatodir. Va men bu xatoni anglaganimdan beri kutishga yanada mahkamroq bel bogʼladim. Berkutay Soysal