Keng rizq yo'li

Ушбу китобда Илм-маърифат ва рақамли иқтисодиётни ривожлантириш йили давлат дастуридан келиб чиққан ҳолда илм-маърифатга тарғиб ва иқтисодий тараққиёт омилларига оид билимлар ёритилган. Шунингдек, Қуръони каримда ризқ ҳақида келган барча ояти карималар Куръони карим тартиби асосида мўътабар тафсир китобларига таянган ҳолда илмий таржима ва тафсир қилинган. Кенг ризқ тўғрисидаги саҳиҳ ҳадислар жамланиб, улар ҳам манбалар ёрдамида илмий таржима қилинган ва изоҳланган. Китобда ризқ тўғрисида соғлом ақида, кенг ризқ тушунчаси, уни топиш йўллари, камбағаллик ва фақирлик тушунчаси, унга қарши кураш чоралари, жамиятда камбағалликни камайтириш йўллари илмий асослар билан очиб берилган. Шу билан бирга, ишёқмаслик, боқимандалик, камҳаракатлик ва дангасалик каби ёмон иллатлардан қайтарилган. Мазкур китоб халқимизга фойдали бўлиб, камбағал қатламни камайтириш учун қўлланма бўлиб хизмат қилади деган умиддамиз.