Ko'zidin boshqa havodur

Bobur ijodiy merosi bilan tanish kitobxon uning ohanrabosi, go‘zalligini yaxshi his qiladi. Darhaqiqat, Zahiriddin Muhammad Bobur shoh va shoir o‘laroq "toleʼ yo‘qi", yaʼni baxtsizligidan faryod cheksada, o‘sha iztiroblari uning go‘zal sheʼriyatiga asos bo‘ldi. Temuriylar saltanatining munosib vakili bo‘lgan, otasining vafotidan so‘ng juda erta yoshida taxt vorisi qilib tayinlangan Boburning keyingi hayoti tahlikalar bilan o‘tdi, atrofida ro‘y berayotgan malomatlar uni nihoyatda toliqtirdi. Vatanidan mosuvo bo‘lgan, lekin undan umidini uzolmagan shoir hasratlari, ko‘nglining nidolari g‘azallariga ko‘chdi. Eʼtiboringizga havola etilayotgan mazkur to‘plamga ham biz Zahiriddin Muhammad Bobur ko‘ngil mulkining go‘zal namunalarini jamladik. Kitob mutolaasi dilingizga manzur bo‘lishiga ishonamiz.