Langarota: Afsona va haqiqatlar

Ўзи туғилиб ўсган маскан ўтмишини билиш Ватан тарихини ўрганишнинг ибтидоси ҳисобланади. Шуҳрат бобо Худойбердиев юрт фарзанди сифатида азалдан тарих қитобларини ўқишга, ундан хулосалар чиқариб, ўзлигини англашга интилган оддий фуқароларимиздан бири. У гоҳ кексалар гурунгида эшитган, гоҳ тарих китобларидан ўқиган нарсаларини ҳамкишлоқларига, ёшларга айтгиси келади. Буюк муаллим бўлган Тарихдан сабоқ чиқаришларини, Ўзбекистонни яратишда боболар ибрати дастуриламал бўлишини истайди. Мана шу эзгу истак уни қалам тебратишга ундади. Қўлингиздаги ушбу мўъжаз рисола оддий инсоннинг сизу-бизга, ёшларга айтишга чоғланган дил сўзлари, хотиралари қатидаги ибратли ёдномалари, қолаверса ҳаётдан янги чиқарган хулосаю, насиҳатларидан иборат.