Mantiq ut-tayr

Shayx Fariduddin Attor — Sharq tasavvuf adabiyotining buyuk siymosi, bir yelkasida Mavlono Jaloliddin Rumiydek, ikkinchi yelkasida Mir Alisher Navoiydek ustozlarni tikka ko‘tarolgan moʻjizakor adib, daho ijodkor. Olti yashar Alisher «Qush tili»ni o‘qib, o‘n ikki yoshli Jaloliddin ham Attorning «Asrornoma»ni o‘qib, ta'sirlanganlar va umr bo‘yi shu kitobning shavqi, sururi bilan yashashgan. Shayx Attor asarlari — Haq va haqiqatning mangu barhayot taronalaridir. Ularning asrlar osha insonlar qalbini zabt etib, ardoqlanib, sevib o‘qilayotgani sababi ham shunda.