"Masnaviy"dan yoshlarga ibratlar va hikmatlar

«Masnaviy» haqiqatga eltuvchi va Allohning sirlaridan ogoh qiluvchi, aql yurituvchi insonlar uchun hidoyat yo'lidir. «Masnaviy» dinning asl mohiyatini tushuntiradigan, Allohning eng ulug' shariati va undagi haqiqat sari yetaklaydigan nurli yo'ldir. «Masnaviy» Qur'onni yanada teranroq anglashga yordam berur, xulqlarni go'zallashtirur. Ko'ngillari toza insonlar, haqiqatni sevganlardan bo'lak kimsalarning «Masnaviy»ga tegishiga ruxsat yo'qdir. Mazkur kitobni tayyorlashda Samix Yolachanning «Masnaviydan yoshlarga hikoyalar va savollar» kitobi, shuningdek, «Masnaviy»ga yozilgan bir necha sharhlardan foydalanildi. Sharhlar o'zbek xalq maqollari, mumtoz adabiyot namunalari, muhtaram olimlarimizning fikrlari va «Saodat asri» rivoyatlari bilan to'ldirildi.