Meni ko'rolmaysan

Baliqni suvdan tashqarida ham yashash mumkinligiga, balolarga to‘la yer yuzida ham ajabtovur go‘zalliklar mavjudligiga ishontira olasizmi? Chirindining ichida yotgan hasharotga kamalakning ranglarini tushuntirib bera olasizmi? Bularni qo‘ya turing, baliq, hasharot va boshqa turli mavjudotlar yerning yetti qavat ostida, dengiz tubida, chirindining tagida ko‘rgan olamni, o‘sha olam ranglarini siz insonlar ko‘ra olasizmi? Yo‘q, ko‘rolmaysiz! Qorong‘ilikda ko‘ra olish uchun chirmovuqning “ko‘zi”dek, uzum novdasi yoki loviya poyalarining “ko‘zi”dek ko‘z bormi sizda? Yo‘q! Muso Rabbisini ko‘ra oldimi? Ko‘rolmadi. Biroq ko‘rishni istadi, qaradi. Qo‘lingizdagi kitob ana shu qarash haqidagi hikoyadir – Yoqubning hikoyasi. Yoqub tunning zimistonini, kunduzning yorug‘ligini bilmaydi. Shuning uchun uning vaqti bir butun, qismati shunday.