Mening hikoyam

Mishel Obama mamlakatidagi demokratik jarayonlarda o‘z rolini munosib ijro eta olgan advokat, ikki farzandning onasi va AQSH 44-prezidentining rafiqasi. Shuningdek, AQSH birinchi xonimi darajasiga erishgan ilk afroamerikalik ayol. Mishel hech qachon siyosat ishqibozi bo‘lmagan, lekin turmush o‘rtog‘ining saylov kampaniyalarida faol ishtirok etib, uni qo‘llab-quvvatlagan. Barak prezidentlikka saylangach esa imkoniyatdan foydalanib, bolalar va e’tibordan chetda qolayotgan, kam sonli qatlam manfaatlarini himoya qiluvchi ijtimoiy loyihalarga yetakchilik qilgan. Muallif kitobda o‘z hayot yo‘li bilan birga, turmush o‘rtog‘ining qizg‘in ish jadvallarini oilaga qanday moslashtirganini samimiy hikoya qiladi.