Mergan

Zamonamizning eng mashhur amerikalik yozuvchilaridan biri, «Shuʼla», «Oʼlik hudud», «Yashil yoʼlak», «Rita Xeyvort yoxud Shoushenkdan qochish», «Chekishni tashlang korporatsiyasi» singari bir-biridan ajoyibu gʼaroyib roman va qissalar, betakror hikoyalar muallifi Stiven King allaqachon G'arbda oʼz oʼquvchilarini topib ulgurgan. Аdibning oʼzbek kitobxonlariga taqdim etilayotgan «Qora Minora» turkumining birinchi kitobi hisoblanmish «Mergan» romanining bosh qahramoni Roland - «joyidan siljigan dunyodagi soʼnggi olijanob mergan. U nima boʼlgan taqdirda ham kuch-qudrat oʼchogʼi, koinotning poydevor toshi — Qora Minorani izlab topishi kerak. Bir kun kelib bu Minorani topadi ham, lekin hozircha uning chekiga sehrgarlik ila boshqarilmish, baʼzan bizning olamimizga-da eshik ochilib turiladigan dunyo boʼylab sayohatga chiqish yuki tushgan...