Moviy ummon strategiyasi

Ushbu kitobning mualliflari tadbirkorlik va biznesning “moviy ummon strategiyasi”ga qanday erishish mumkinligi yorqin misol va tahlillar orqali koʼrsatib berishgan. Buning uchun ular 30 dan ortiq sohada 150 ga yaqin tadqiqotlar oʼtkazishgan, tadqiqot natijalarni tahlil qilishgan. Mazkur kitobda “moviy ummon strategiyasi”ga erishish yoʼllari, iqtisodiy xatarlarning oldini olish usullari, raqobatchilarsiz sohalarni yaratish yoʼnalishlari haqida batafsil maʼlumot berilgan. Ushbu qoʼllanma 3,5 million nusxada sotilib beshta qitʼada juda keng tarqaldi. Kitob shu davr ichida 43 tilga tarjima qilindi, bu esa oʼziga xos rekorddir. Natijada “Moviy ummon” atamasi tadbirkorlik, ishlab chiqarish va biznes sohasida mustahkam oʼringa ega boʼldi. “Moviy ummon strategiyasi”ga jahon miqyosida (internet, gazeta, jurnal, radio va televideniya) 4000 mingdan ortiq ijobiy fikrlar qoldirilgan va bu raqamlar yanada oʼsib bormoqda.