Mufassal tajvid

Ushbu asarning sohibasi diniy va Qurʼoni Karimga oid ilmlardan xabardor oilada tug‘ilib o‘sdi. O‘zimizda va chet ellarda yetuk olimlardan dars olishga muvaffaq bo‘ldi. Libiyada oliy o‘quv yurtida o‘qish davomida katta ustozlardan boshqa ilmlar qatori tajvid ilmidan ham oliy saviyadagi darslarni oldi va Qurʼoni Karimni to‘liq yod oldi. Keyinchalik Misrda katta qiroat ustozlarida dars olib, imom Osim qiroatining Hafs va Shoʻba rivoyatlari bo‘yicha hamda imom Nofeʼ qiroatining Varsh rivoyatlari bo‘yicha ijoza va mukofot olish baxtiga muyassar bo‘ldi. Shu bilan birga bir necha yillardan buyon Xadichai Kubro ayol-qizlar o‘rta maxsus o‘quv yurtida qizlarimizga dars berib kelmoqda. U kishining shogirdlari mahalliy va xalqaro Qurʼoni Karim musobaqalarida muvofaqiyat ila qatnashib kelmoqdalar. Bir necha qizlarimiz ushbu qo‘limizdagi kitob sohibasidan dars olib, Qurʼoni Karimni ilmiy asosda to‘liq yod oldilar va ilmiy ijoza ham olishga muyassar bo‘ldilar.