Muhammad sollallohu alayhi vasallamning Ahli ayollari

O‘n besh asr muqaddam hayot kechirib, musulmonlarga yo‘l boshchi bo‘lib o‘tgan bir xonadon borki, ahli islom bugungacha, hatto qiyomatga qadar ularga ergashib, hayotlaridan o‘rnak olib, so‘zlariga itoat etadi. Bu sezib turganingizdek nabaviy xonadondir. Ushbu asarda aytganimiz nabaviy xonadonning ahli ayollari borasida so‘z borgan, ularning odob-axloqlari, sarvari koinot alayhissalomga maslakdosh bo‘lganlari va yana shunga o‘xshash bir qancha ijobiy xislatlari yoritib berilgan. Asar kitobxonlarning qalbidan munosib o‘rin olib, ularni saodatli xonadon hayotini yaxshiroq bilishlariga o‘z hissasini qo‘shadi degan umiddamiz.