Nafsga emas Haqqa qara

Ибн Атоуллоҳ Сакандарий раҳматуллоҳи алайҳ ҳақида фақиҳ Собит Банноний раҳматуллоҳи алайҳ шундай деганлар: "Агар намоз Қуръондан бошқа нарсани ўқиш билан ҳам дуруст бўлганда эди, албатта, фақатгина Ибн Атоуллоҳ раҳматуллоҳи алайҳнинг ҳикматлари билан дуруст бўларди”. Бу зот шариат, тариқат, одоб-ахлоқ, хусусан, нафс тарбиясига доир кўплаб асарлари билан Ислом оламида маълум ва машҳурдирлар. Мазкур китобда муаллифнинг асарларидан саралаб олинган айрим ҳикматлар ва уларга ёзилган шарҳлар ўрин олган. Китоб комил инсон, юксак маънавият эгаси бўлиш ниятидаги ҳар бир ўқувчи учун беғараз маслаҳатчи, дастурул амал бўлишидан умидвормиз.