Nyurnbergga sayohat

Taniqli olmon adibi, xalqaro Nobel mukofoti sohibi Hermann Hesse asarlari nafaqat aholisining ko'pchiligi nemis tilida so'zlashuvchi mamlakatlarda, balki butun dunyoda mashhur. Qo'lingizdagi «Nyurnbergga sayohat» nomli ushbu kitobdan Hessening shu nomli safarnomasi, «Kurortdagi kishi» qissasi hamda hikoyalari o'rin olgan. Safarnomada yozuvchi Nyurnbergga amalga oshirgan ikki oylik sayohati sarguzashtlarini qiziqarli tarzda bayon etgan bo'lsa, «Kurortdagi kishi» uning davolanish muolajalari davomida ko'rgan-kechirgan voqealari, ichki tuyg'ulari va kechinmalarini ifodalaydi. Hikoyalar esa rang-barang va qiziqarli bo'lib, unda tilga olingan sevgi-muhabbat, bolalik, tabiat haqidagi mavzular o'quvchilarni qiziqtirishi, shubhasizdir.