O‘chmas sharaf. Sharof Rashidov hayoti va faoliyati tarix ko‘zgusida

Siyosiy fanlar doktori To‘lqin Alimardonov qalamiga mansub mazkur "O‘chmas Sharaf" monografiyasi buyuk davlat arbobi, ulug‘ adib, o‘zbek xalqining XX asrda yetishib chiqqan mutafakkir farzandi Sharof Rashidov tavalludining 100 yilligiga bag‘ishlanadi. Monografiyada muallif davlat, jamiyat va xalq tarixi bilan shaxs va uning faoliyati tarixi o‘rtasidagi bog‘liqlikka doir turli ilmiy, nazariy qarashlar mohiyati yuzasidan fikr yuritar ekan, shaxsning millat va uning tarixida tutgan o‘rnini Sharof Rashidov timsolida ochib beradi. Tadqiqotda Sharof Rashidovning tarixda qoldirgan izi, hayoti va faoliyatining juda ko‘p qirralari tahlil qilinadi, xalq va shaxs, davlat va siyosat tarixiga oid ko‘plab yangi ma’lumotlar taqdim etiladi. Uni o‘qish davomida kitobxon millatning haqiqiy fidoyi farzandi tomonidan qaramlik sharoitida O‘zbekistonda qanchalar ulug‘vor ishlar qilinganini xolis tahlillar va dalillar vositasida anglab oladi. Monografiya yosh avlodni ajdodlar qilgan buyuk ishlardan xabardor qilish, shaxsning ziddiyatli va murakkab faoliyatini to‘g‘ri anglatish, real qahramonliklarini ko‘rsatib berish va ularga chuqur hurmat ruhida tarbiyalashda munosib manbadir.