Odam bo'lish qiyinmi?

Одам боласи ўзининг қадр-қиммати ва фазилатлари билангина одам. Агар шу хусусиятлари йўқолса, ундай одамни одам дейишга тил бормайди... Ушбу китобда одамзоднинг буюк хилқат эканига урғу берилаётгани унинг номидан ҳам кўриниб турибди. Одам бўлиш осон ёки қийинлиги ҳақидаги савол ўртага ташланар экан, муаллиф миллий-маърифий қадриятлар ҳамда узоқ йиллик ҳаётий тажрибалари асосида жавоб беришга ҳаракат қилган. Инсоннинг маънавий ва моддий турмуш тарзини тўғри йўлга солиш, намунали одоб-ахлоқ эгаси бўлиш шартлари, одамийлик хусусиятларини ўзида сақлай олишнинг йўриқлари, одамнинг оила ва жамиятдаги ўрни, руҳий олами, маънавияти ва дунёқараши каби масалалар тўғрисида холис фикр юритилади, баъзи бир мулоҳазалар ортидан тавсиялар берилади. Шунингдек, китобда одамнинг соғлом турмуш тарзига риоя қилиб, тана саломатлигини сақлаб, зарарли одатлардан фориғ бўлиб, умрини узайтириш борасида ҳам сўз боради.