Okuma sinav (Multilevel B1-B2-C1)

Ushbu ’Okuma Sınav Multilevel’ qo‘llanma kitobi CEFR (Yevropa tilini bilish darajasi) me’yorlariga asoslangan bo‘lib, chet tilini o‘rganish darajasini baholashda ’Okuma’ (o‘qib tushunish) bo‘limi uchun mo‘ljallangan. Ushbu kitobda yuqori ball olish va til ko‘nikmalarini rivojlantirish uchun maxsus testlar ishlab chiqilgan. CEFRning ’Okuma’ bo‘limi asosan o‘quvchining ommabop, ilmiy va ilmiy-ommabop matnlarni to‘liq tushunishini, ulardagi asosiy fikrlar va detallarga e’tibor qaratishini, aniq ma’lumotlarni olish va yashirin ma’lumotlarni anglash qobiliyatini o‘lchaydi. Kitobdagi testlar 5 ta bo‘limdan iborat bo‘lib, har bir topshiriq DTS standartlariga mos keladi. ’Okuma Sınav Multilevel’ testlarida berilgan har bir topshiriq imtihon shaklida tuzilgan, bu esa o‘quvchilarga turli xil chalg‘ituvchi savollarga tayyorlanishga yordam beradi. Kitobdagi testlarning to‘g‘ri javoblari Telegram kanalida mavjud va bu javoblarga kitobdagi QR kodlar orqali erishish mumkin.