Olamlar sarvari

Bundan o‘n to‘rt asrdan ziyodroq muqaddam butun olam tez orada voqe bo‘lajak buyuk hodisani, yaqinda tug‘ilajak ulug‘ insonni kutayotgan edi. Barcha odamlar sanoqli kunlarda o‘sha buyuk bola tug‘ilishiga va u borliqni yoritishiga, uning yuzi butun olamni munavvar etishiga ishonar edilar. Alomatlar ko‘rina boshladi. Borliqni xushxabarlar bosib ketdi. Shom o‘lkasida yashovchi rohiblar bu bolaning tug‘ilishini kutishar, har oqshom samo yulduzlariga qarashar, arab shaharlardan Shomga keluvchi barcha yo‘lovchilardan ularning diyorlarida har bir tug‘ilgan bola haqida so‘rar edilar.