O'lik jonlar

Ushbu kitobga Nikolay Vasilevich Gogolning «O'lik jonlar» nasriy poemasi va besh saxnadan iborat «Revizor» komediyasi kiritildi. «O'lik jonlar» - yozuvchining suyumli asari. Gogolning o'zi bir do'stiga yozgan maktubida «Agar bu asarni ko'ngildagidek yozib tamomlasam, u vaqtda... naqadar zo'r, naqadar original bir syujetni ko'rasiz. Naqadar rang-barang bir to'dani ko'rasiz! Unda butun Rusiya namoyon bo'ladi» deydi. Asar qaxramoni Chichikov yomon odam emas. U zamona zayli bilan shunday xarakterdagi odamga aylanganki, uddaburonlik bilan mol-dunyo to'plamoqchi, orzusidagidek sepli qizga uylanib, xashamatli bir uyda farzandlari bilan tinch-xotirjam yashamoqchi bor-yuk orzusi shu. Biroq qingir ishning qiyig'i chiqadi va Chichikov nixoyat bundan o'ziga xulosa qiladi. Gogolning ayrim asarlarida rus dvoryanlari, pomeshchiklar xayotiga achchiq istexzo bilan nazar solish burtib turadi. U eng qiyin vaziyatlarda xam tanganing boshqa tarafini ko'ra biladi, kulgi va extiros, muxabbat bilan rus xarakterini ochib tashlaydi. Shunday asarlaridan biri «Revizor» pesasidir.